الأسباب التى تؤدى إلى إضاءة لمبة التلاعب فى عداد الكارت مسبق الدفع

يقدم موقع "طاقة نيوز" بعض النصائح والمعلومات عن كل ما يخص عداد الكارت مسبق الدفع. 

يأتي معنا أولا الأسباب التى تؤدى إلى إضاءة لمبة التلاعب فى العداد مسبق الدفع : 

▪️فتح غطاء روزتة توصيل الأسلاك حتى لو كانت الكهرباء مفصولة عن العداد.

▪️عمل وصلة "كوبري" على العداد لسرقة التيار.

▪️تغيير أسلاك التوصيل بدون مراجعة شركة الكهرباء.

▪️نقل عداد الكهرباء الكارت من مكانه بدون مراجعة شركة الكهرباء.

▪️حدوث اهتزازات قد تؤدي إلى تضارب في الكابلات الداخلية.

ونقدم ثانياً خطوات يجب اتباعها لتجنب التعرض لمحضر سرقة التيار : 

1- الاتصال على رقم 121 لإرسال شركة التوزيع التابع لها مندوبا لإصلاح الخطأ وإطفاء لمبة التلاعب، أو إبلاغ شركة الكهرباء مباشرة. 

2- مندوب الشركة سيقوم بتثبيت الطرفين العمومي في العداد مع طرفي الشقة مع عودة الأطراف المهتزة إلى مكانها الطبيعي.

3- بالنسبة العداد مسبوق الدفع يقوم المندوب بتفعيل كارت الشحن ووقف لمبة التلاعب مع احتفاظ العداد بالرصيد دون ضياعه".

ويأتي ثالثاً بعض النصائح والمعلومات للتعامل مع العداد مسبق الدفع :

▪️عدم التلاعب نهائياً فى غطاء العداد حتى لا يفصل العداد. 

▪️ التأكد من وجود رصيد كافي حتى لا تنقطع الكهرباء فجأة، ويظهر رصيد العداد فى صفحة رقم 2 سواء فى العداد الاسكرا أو الجلوبالترونكس. 

▪️ يعطى العداد إنذارات فى حالة وصول الرصيد 10 جنيهات، لمبة الرصيد تعطي لون أحمر وهى أقصى لمبة على اليمين وإنذار أخر لو الكهرباء قطعت يتم وضع الكارت فى العداد بدون شحن يعمل إلى أن تشحن. 

▪️ يفضل الشحن فى أول أسبوع من الشهر عند شريحة واحد والشريحة تظهر فى صفحة رقم 7 فى العداد الجلوبالترونكس أو الاسكرا .

▪️أخر أسبوع فى الشهر يفضل توفير الطاقة على قدرالمستطاع لأنك بتكون على أعلى شريحة ليك. 

 ▪️الانتقال من شريحةإلى شريحة يتم خصم مبلغ من الرصيد على حسب الشريحة إللى توصلها. 

▪️ عدم تشغيل العداد نهائيا أو لا يوجد علية حمل يتم خصم 9 جنيه من الرصيد 

▪️ تأكد من ضبط الوقت والتاريخ عند شحنتك الكارت ودا مهم جدا جدا. 

▪️العداد الكارت زى العداد العادى طريقة الحساب التجارى واحد .

▪️ لو الكارت مبيشحنش > روح اشحن من شركة الكهربا مره علشان يتفعل ولو الكارت بايظ بيتغير من الشركة ب ٤٥ جنيه ..

▪️لو الكارت ضاع وعليه شحنة لم تفرغ بالعداد؟!

لا داعي للقلق كل عملية شحن بتسجل في ذاكرة العداد برقمها وقيمتها ولو ضاع الكارت وعليه شحنه لم تفرغ بالعداد بيتم استخراج كارت وعند برمجته بتسجل كل بياناتك وكذلك عمليات الشحن بأرقامها وقيمتها وعند تركيب الكارت بالعداد لو ذاكرة العداد وجدت عمليه لم تفرغ بالعداد يتم استقبالها بالعداد وتنفذ فورا..

▪️هناك حل لو فصل العداد إنذار والكارت غير موجود بجانب العداد ؟

لو حضرتك في الشغل والكارت معاك وفصل العداد إنذار ممكن اللي في البيت يقوم بإدخال بطاقة رقم قومي أو فيزا بنك في العداد فيعود التيار الكهربائي فورا حتى عودتك بالكارت.

▪️لو فتحت غطاء العداد سوف تدفع غرامة فتح الغطاء طبقا للرسوم المقررة بالشركة.

▪️لايمكن تبديل مكانه أو تغيير الأسلاك المرتبطة به دون الرجوع لشركة الكهرباء. 

▪️في حالة زيادة الأحمال عن المسموح به والمقدر بـ 80 أمبير يفصل التيار الكهربائي تلقائيًا، ولو تكرر لثلاث مرات يفصل التيار الكهربائي بالكامل، ولا بد من العودة لشركة الكهرباء لتشغيله مجددا .

باستخدام الزر الضاغط يستطيع المستهلك الحصول على عدد من البيانات تظهر على الشاشة ، مثل:-

" الرصيد المتبقى مع التاريخ والوقت، استهلاك الشهر الحالى بالكيلو وات ساعة، أقصى حمل بالأمبير والكيلو وات، استهلاك الشهر السابق و12 شهرا سابقا، الاستهلاك الكلى التراكمى من وقت التركيب، التاريخ باليوم والشهر والسنة والوقت، إظهار آخر حالة عبث وتلاعب بالوقت والتاريخ، رسائل نصية من شركة الكهرباء على الشاشة مثل قبول الكارت وزيادة حمل المشترك عن التيار المبرمج للعداد".