لما القمر وشوش في عب…. الليل
خلاه يخبي عتمته علي طول….
الكون رقص طرح النسيم تفاريح
والبحر رجعت ضحكته مواويل
حضن السهر ضي القمر وارتاح
رسم الندامي عشقهم اهاات
بعتوا دموعهم والجوا مراسيل
غزل السحر للسهرانين اشواق
هزت جبال الصبر ..من شوقها
مال الشجر و اتاني في الترتيل
فرد الهوا كفه طبطب علي العشاق
طاب الغرام يا عين اااه يا ليل
سالت بحار العشق حيرانه
لون الهوا واعر متمسحوش مناديل
لملمت روحي في شتات الكون
وغزلت صمتي شراع ف بحر هواك
رجعت مراكبي متحملين بعتاب
داب الضلوع ف عناق ملوش اخر
ونسينا كل ملام وتاهت التفاصيل
غاب القمر خجلان من سطوة الاحضان
طلع النهار قبل الاوان باوااان
مكنش نور النهار اللي سطع وهاج
دي جمرة الحب ووبهجة التقبيل
ــــــــــــــ
شعر – هاني العباسي
