تعبنا في انتظار بكره
بقالنا سنين ولا شفناش
ومات الحلم والفكرة
وشاخ املي وبكره مجاش
انا اللي هتفت للثورة
شقانا يحصدو الاوباش
بهية ياحرة يا صابرة
يا صبر طويل وضاع ببلاش
كرهت العيشة بالمرة
في وهم عبيط وليل غشاش
وفاض الكيل علي الحرة
وجف الضرع وماشربناش
(2)
لا عمر الشوق هيبقي رماد
ولا جمر الليالي يدوب……
وكيف نهرب من المكتوب؟
ولو بينا سفر وبعااد
ماظنش اقلبي يوم هيتوب
ولو كل الوجع ينعاااااد
انا الجاني وانا السجان
علي باب الهوا مصلوووب
وانت منيتي ومنفاي
وصبري زي صبر ايوب
اكيد الفجر جاي في ميعاد
وعتمة وحشتي تنزاح
علي شط النهارافراح
بتهدي المهجة للمحبوب
ومفيش في المحبة عناد
ومين غالب ومين مغلوووب
